1 студзеня - У раённай камсамольскай арганізацыі налічвалася 2996 чалавек.
15 сакавіка - На Бярэзінскім ільнозаводзе адбыўся вялікі пажар, страты ад якога ссклалі 25 тысяч рублёў.
24 чэрвеня - У в. Партызанка (Жабаўка) адбылася сустрэча былых партызан Бярэзішчыны.
21 верасня - Прэзідыўм Вярхоўнага Савета БССР устанавіў памятны знак "Партызвн Беларусі". 1941-1944 гг.
1 кастрычніка - Створана раённае тэрытарыяльна-медыцынскае аб'яднанне (РТМА), у склад якога ўключаны цэнтральная
раённая бальніца, участковыя бальніцы і ФАПы. РТМА працавала на прынцыпах гасразліку.
26 кастрычніка - 27-ая раённая справаздачна-выбарная партыйная канферэнцыя. У раённай партарганізацыі налічвалася
2214 чалавек.
7 снежня - Беларускае тэлебачанне паказала дакументальны фільм "Мы з Дулеб" аб Дулебскай няпоўнай сярэдняй школе-садку.
Снежань - Бюро па працаўладкаванню райвыканкама ў Беразіно пачало весці строгі ўлік беспрацоўных.
1990 год - У раёнепакладзены пачаток стварэнню малых прадпрыемстваў (МП).
1990 год - Пабудаваны магазіны ў вёсках Котава, Мачаск, Мартыянаўка, Крапіўня, Асмолаўка, Любушаны, сталовая ў Багушэвічах,
піўны бар у Беразіно. Адкрыты нарыхтоўчыя магазіны ў Высокай Гары і Якшыцах.
1990 год - Цагельны завод "Беражкі" перададзены саўгасу "Уша".
1990-1991 навучальны год - Школы раёна пачалі работу па дыферэнцыраванаму навучанню.
1991 год
9 студзеня - Указам Прэзідыўма Вярхоўнага Савета БССР в. Божына вернута яе гістарычная назва (з 1964 г. - Прырэчча).
25 студзеня - на 4-й сесіі райсавета разгледжаны асноўныя напрамкі пераходу раёна да рыначнай эканомікі.
1 сакавіка - У адпаведнасці з новым Законам БССР аб міліцыі аддзел унутраных спраў райвыканкама рэарганізаваны: тут
створаны крымінальная міліцыя, міліцыя грамадскай бяспекі і спецыяльная міліцыя.
17 сакавіка - Вынікі рэфэрэндума аб захаванні СССР па раёне: з 25678 грамадзян у спісах для галасаваннія атрымалі бюлетені
23121, прынялі ўдзел у галасаанні 23115 ці 91,9 працэнта.
5 красавіка - Па загаду Міністэрства народнай адукацыі Беларусі №78 Бярэзінская СШ №1 атрымала статус гімназіі.
25 ліпеня - Памёр Рыгор Васільевіч Няхай, беларускі паэт, празаік. Нарадзіўся 5 снежня (22 лістапада) 1914 г. у в. Сяліба.
21 жніўня - Апошняе паседжэнне РК КПБ.
23 жніўня - Сесія райсавета ўтварыла аддзел землекарыстання і землеўпарадкавання райвыканкома.
28 жніўня - На сумесным паседжэнні прэзідыўма і выканкома раённага Савета разгледжанна пытанне "Аб часовым прыпыненні
дзейнасці КПБ-КПСС на тэрыторыі Беларускай ССР".
Пачатак восені - На базе Дулебскай школы арганізавана сацыяльна-педагагічны комплекс, які атрымаў назву дзіцячага дома-
школы-садка.
Верасень - Дзіцячы садок №3 у Беразіно атрымаў новы светлы будынак.
3 кастрычнка - "Сцяг Леніна" паведаміла, што надзвычайны з'езд ВЛКСМ прыняў пастанову аб спыненні дзейнасці гэтай
арганізацыі.
8 кастрычніка - Памёр Міхась (Міхаіл Аляксандравіч) Скрыпка - паэт-сатырык, празаік, драматург. Нарадзіўся 13 лістапада 1907
г. у в. Месціна.
22 кастрычніка - Райвыканкам прыняў рашэнне "Аб продажы тавараў павышаннага попыту ў гандлёвых прадпрыемстваў раёна".
2 лістапада - Раённай газеце "Сцяг Леніна" споўнілася 60 год. За гэты час выйшла 7287 яе нумароў.
15 лістапада - На сесіі раённага Савета скарочаны структурныя падраздзяленні райвыканкома: планавая камісія, камітэт па
справах моладзі, аддзел арганізацыйна-савецкай і кадравай работы, адзел культуры і інш. Былі створаны ўправленне па
эканоміцы і рынку; па справах моладзі, культуры і спорту; па абслугоўванню работы раённага Савета.
3 снежня - "Сцяг Леніна" паведаміла, што ў Беразіно пачалася прыватызацыя дзяржаўнага жылля.
1991 год - У раёне ўпершыню праведзены конкур "Настаўнік года".
1992 год
1 студзеня - Лібералізваны ўсе цэны на прадукцыю вытворча-тэхнічнага прызначэння. Адпушчаны цэны на сельскагаспадарчую
прадукцыю. У сувязі з гэтым змяніліся разліковыя рознічныя цэны.
1 студзеня - Камбінат надомнай працы (был райпрамкамбінат) пераўтвораны ў вытворча-гандлёвы камбінат "Бярозка".
21 студзеня - "Сцяг Леніна" паведаміла: райвыканком прыняў рашэння аб увядзенні купоннай сістэмы разлікаў за тавары ў
раёне.
1 лютага - У раёне налічваліся 3 фермірскія гаспадаркі, за якімі быў замацаваны 51 гектар зямлі.
20 лютага - Статус безпрацоўных на гэты дзень атрымалі ў нашым раёне 5 чалавек.
24 лютага - Газета "Сцяг Леніна" з трохразовага выхаду ў тыдзень перайшла на двухразовы (у сераду і суботу).
1 сакавіка - з гэтага дня ў Беразіно закрыты аўтобусныя маршруты №4 і №5, з 1 мая - маршрут №2. Прычына - адсутнасць
грашовых сродкаў і паліва.
Сакавік - У райбальніцы пакладзены пачатак нетрадыцыйнаму лячэнню.
29 мая - Адбылося пасяджэнне арганізацыйнага камітэта па стварэнню раёнай арганізацыі Партыі камуністаў Беларусі.
15 верасня - Адбыўся роспуск упраўлення капітальнага будаўніцтва райвыканкама.
19 верасня - "Сцяг Леніна" паведаміла, што ў Беразіно па валагодскаму праекту ўзводзіцца фізкультурна-аздараўленчы
комплекс.
1 кастрычніка - У Беразіно пачала працаваць першая ў рэспубліцы вочна-завочная інфарматыка-фізіка-матэматычная школа ў
маштабе раёна для вучняў 8-11 класаў.
19 снежня - "сцяг Леніна" паведаміла аб пачатку дзейнасці Бярэзінскага аэраклуба абароннага спартыўна-тэхнічнага
таварыства "Выток-АВІЯ".
1992 год - Бібліятэкі раёна пачалі пошуковую работу па выяўленню і назапашванню матэрыялаў па гісторыі вёсак.
1992 год - У Беразіно па вуліцы М. Горкага ўведзены цагляны будынак, у якім праводзяцца сходы абшчыны Саюза евангельскіх
хрысціян-баптыстаў.
1992 год - Зарэгістравана каталіцкая парафія ў Беразіно. Старэйшынай парафіі абраны Казімір Далівайла, з шчырай і
адданай Богу сям'і. На першым парафіяльных сходзе ў РДК прысутнічала болей за 300 чалавек. Старшыня райвыканкаму,
які прысутнічаў, ня ведаў што ў Беразіно столькі каталікоў. Пераканаўся...
1993 год
22 лютага - Рашэннем райвыканкама зацверджана камісія па выдачы пасведчанняў "Пацярпеўшым ад катастрофы на
Чарнобыльскай АЭС".
27 лютага - У будынку былога Дома культуры ПМК-63 адкрыта дзіцячая спартыўная школа "Юнацтва".
7 сакавіка - Адбылося ўрачыстае свята з нагоды 25-годдзя прысваення Беразіно статуса горада.
9 сакавіка - У Беразіно пачаў працаваць новы кулінарны камбінат.
1 красавіка - На тэрыторыі ВГК "Бярозка" нарадзілася першае ў раёне сумеснае беларуска-польскае прадпрыемства.
28 красавіка - "Сцяг Леніна" паведаміла, што Беразіно, па запрашэньню Валянтыны Станіславаўны Вішнеўскай, наведаў
галоўны рэстаўратар г. Варшавы Фелікс Пташынскі. Мэта прыезду - азнаямленне з архітэктурна-гітарычнымі помнікамі
Бярэзіншчыны.
1 чэрвіня - На гэту дату на тэрыторыі раёна зарэгістраваны райвыканкомам: кааператываў --6, таварыстваў з абмежаванай
адказнасцю - 12, малых прадпрыемстваў - 15, канцэрнаў - 1, акцыянерных таварыстваў - 1, вытворча камерцыйных кампаній - 1.
12 чэрвіня - "Сцяг Леніна" паведаміла, што райвыканком прыняў рашэння аб прадажы на конкурснай аснове будынкаў былых
пракуратуры і міліцыі.
1 жніўня - у шасці кіламетрах ад Беразіно пачаў працаваць раённы дзіцячы аздараўленчы лагер "Папараць Кветка".
3 жніўня - Памёр беларускі празаік Яўген Іванавіч Курто. Нарадзіўся 7 ліпеня 1924 г. у в. Рачыборак.
Лета - У раёне пачаў дзейнічаць новы рынак - "Бярэзінская камароўка".
25 верасня - У раёне налічвалася 3706 крыніц водазабеспячэння, з іх 235 артэзіанскіх свірдлавін, 3471 калодзежаў.
29 верасня - "Сцяг Леніна" паведаміла, што ў Капланцах на працягу трох дзён творча група "Беларусьфільма" вяла здымкі
дакументальнага фільма пра нашага славутага земляка - кампазітара Міколу Равенскага.
Лістапад - Створаны канцэрн "Будінвест" (генеральны дырэктар С.М. Мельнік).
1 снежня - На гэту дату ў раёне закрыты клубы пры МПМК-182, райаграпромтэніцы, ДРБУ-42, вытворча-гандлёвым камбінаце
"Бярозка", Дом культуры ПМК-63, многія сельскія клубы.
27 снежня - Рашэннем Мінскага аблвыканкома адноўлена вёска Ялоўка, якая ў 1966 г. была злучана з вёскай Высокая Гара.
Снежань - У цэнтры горада згарэлі фізіка-матэматычная школа і памяшканне гарадской дыскатэкі.
1994 год
16 лютага - "Сцяг Леніна" паведаміла аб выніках мінулага спартыўнага года: выпускнік нашай ДЮСШ Георгій Саскавец заняў
трэцяе месца ў чэмпіянаце Еўропы і шостае - у чэмпіянаце свету па грэка-рымскай барацьбе, а Сяргей Аўчарэнка і Міхаіл Фясун у
гэтым відзе спорту сталі майстрамі спорту.
18 лютага - У Беразіно налічвалася 250 безпрацоўных.
10 сакавіка - Раён наведалі першы намеснік Старшыні Савета Міністраў Рэспублікі беларусь М.У. Мясніковіч і народны дэпутат
Вярхоўнага Савета РБ А.М. Жук.
13 красавіка - У РДК упершыню адбылося "Сьвята эрудытаў", на якое сабраліся пераможцы і ўдзельнікі раённых і абласных
прадметных алімпіяд са школ раёна.
22-24 красавіка - У Бярэзінскай спортшколе праходзіла адкрытае першанства Беларусі па каратэ-до шотакан, у якім прынялі
ўдзел 12 каманд.
12 мая - Прынята рашэнне райвыканкома аб перадачы камбіната будаўнічых матэрыялаў (цагельны завод "Чырвоны Бераг" у в.
Глухі Ток) канцэрну "Будінвест".
14 мая - "Сцяг Леніна" паведаміла, што нядаўна Дулебскі дзяцячы дом-школу-садок наведала дэлегацыя ў складзе
генерал-лейтэнанта В.У. Кастэнкі, старшыні Саюза кампазітараў Беларусі Ігара Лучанка, кампазітара Эдуарда Зарыцкага і
інш. Тут у Дулебах адбылася прэм'ера песні І Лучанка "Міліцэйскія жонкі".
21 мая - У Мінску адбылося адкрытае першынства сярод інвалідаў-калясачнікаў. І.А. Кацегаў з г. Беразіно стаў пераможцам у
гэтых спаборніцтвах.
Май - На падставе пастановы савета Міністраў Республікі Беларусь №292 Бярэзінская пажарная часць пераўтворана ў
ваенізаваную пажарную часць, якая сфарміравалася ў чэрвене гэтага ж года.
3 чэрвеня - Насельніцтва раённа складала 35760 чалавек.
30 ліпеня - "Сцяг Леніна" паведаміла аб уступленні ў строй у Беразіно танцавальнай пляцоўкі.
7 верасня - На абслугоўванні ў аддзяленні сацыяльнай дапамогі на даму Бярэзінскага райсабеса знаходзілася 472 чалавекі.
22 верасня - Памёр адзін з ветэранаў друку Бярэзіншчыны Іван Харытонавіч Ермаковіч. Нарадзіўся ў 1914 годзе.
Верасень - Створана Бярэзінская раённая рада Беларускага Народнага Фронту "Адраджэнне".
22 кастрычніка - "Счяг Леніна" пісала: "У нашым раёне сем сельсаветаў - Бярэзінскі, Дзмітравіцкі, Ляжынскі, Мачаскі,
Пагосцкі, Паплаўскі, і Ушанскі пацярпелі ад катастрофы на Чарнобыльскай АЭС. На забруджанай тэрыторыі знаходзіцца 53
населеныя пункты, у якіх пражывая каля сямі тысяч чалавек".
19 лістапада - Праведзена выпрабаванне капітальна адрамантаванага маста цераз раку Беразіна.
23 лістапада - рашэннем выканкома гарсавета, пісала "Сцяг Леніна", вуліцы-новабудоўлі ў раёне Леснічоўкі прысвоена імя
нашаго славутага земляка - мастака ХІХ стагоддзя Валенція Ваньковіча.
29 лістапада - Памёр доктар фізіка-матэматычных навук, прафесар Міхаіл Сямёнавіч Цэдрык. Нарадзіўся 30 мая 1930 года у в.
Доўгі Лог нашага раёна.
30 лістапада - "Сцяг Леніна" паведаміла, што адной з вуліц новабудоўляў райцэнтра дадзена імя славутага нашага земляка
Рыгора Нехая.
1995 год
5 студзеня - Нечарговая 18-я сесія раённага Савета дэпутатаў разгледзела арганізацыйнае пытанне, звязанае са стварэннем у
раёне вертыкалі прэзідэнцкай улады і выбары старшыні раённага Савета дэпутатаў (выбраны У.М. Жукоўскі). Старшынёй
райвыканкома распараджэннем Прэзідэнта Рэспублікі Беларусь назначаны К.М. Мельнікаў.
14 студзеня - Памёр Дзмітрый Барысавіч Шрэйн. Нарадзіўся ў 1910 г. У ліпені 1943 г. пры разгроме паліцэйскага гарнізона ў в .
Паплавы камандаваў ротай.
24 студзеня - Памёр Павел Кузьміч Дзюбайла, беларускі вучоны, літаратуразнавец. Нарадзіўся 5 жніўня 1931 г. у в. Кукарава.
31 студзеня-4 лютага - У Беразіно адбыўся асабісты чэмпіянат Мінскай вобласці па простых (рускіх) шашках.
Студзень - Бярэзінскае аддзяленне №2768 Ашчадбанка Рэспублікі Беларусь пачало працаваць у новым будынку.
14 сакавіка - бярэзінскі спіртзавод адкрыў фірменны магазін "Крышталь".
Сярэдзіна сакавіка - У Беразіно пачаў працаваць прадукцыйны цэх пластыкавай сталяркі (канцэрн "Будінвест").
З 22 на 23 красавіка - У велікодныя дні пасля 34-гадовага перапынку ў Божынскай Свята-Ільінскай царкве адбыліся першыя
набажэнствы.
1 кастрычніка - На гэту дату ў раёне зарэгістраваны 224 прадпрыемствы з рознай формай уласнасці і 213 грамадзян, якія
займаюцца прадпрымальніцкай дзейнасцю без утварэння юрыдычнай асобы.
7 лістапада - Пасля чатырох гадоў перапынку Беларусь афіцыйна адсвяткавала гадавіну Вялікага Кастрычніка. Адбыліся
ўрачыстасці і ў Беразіно.
1995 год - У раёне планавалася пабудаваць 35 кватэр. Гэта ў дзевяць разоў менш, чым у 1990 годзе (326 кватэр).
1995 год - Органы ЗАГСа раёна зарэгістравалі 361 нованароджанага, што на 91 менш, чым у 1994 г. Памерла 648 чалавек.
1996 год
1 студзеня - Замест аднаго раённага ўзла сувязі створаны два: раённы вузел электрычнай сувязі (РВЭС) і раённы вузел
паштовай сувязі (РВПС).
20 студзеня - Газета "Сцяг Леніна" пісала аб паездцы ў Германію з канцэртам вучняў Бярэзінскай музычнай школы.
1 красавіка - Афіцыйны статус беспрацоўнага ў раёне мелі 600 чалавек, з іх 373 жанчыны.
Красавік - Створана Бярэзінскае раённае таварыства абароны правоў спажыўцоў.
Канец ліпеня - Валейбольная каманда раёна заваявала першае месца ў міжнародным маладзёжным турніры "Бе-ла-русь".
19 жніўня - У Брадцы ўпершыню ў нашым раёне праведзена абрадавае сьвята "Спас".
1 верасня - У арганізацыях раёна налічвалася 1885 аўтамашын, у індывідуальных уладальнікаў - 4675.
23 кастрычніка - У раёне (уключаючы асноўныя, вячэрнія і паралельныя) было 6200 тэлефонаў, з іх у Беразіно - 2294.
12 снежня - Створана раённае адзяленьне дабрачыннай каталіцкай арганізацыі "Карытас".
1997 год
15 студзеня - Бярэзінскі хлебакамбінат адзначыў сваё 25-годзе.
15 мая - Згодна Указа Пэзідэнта Республікі Беларусь, 5 жанчын у раёне ўзнагароджаны ордэнам Маці.
23 мая - Рашэннем райвыканкома вуліца Палявая Ў Беразіно перайменована ў вуліцу імя С.І. Карканіцы - воіна-афганца,
нашага земляка.
29 мая - На 10-й сесіі раённага Савета дэпутатаў выказана прапанова аб увядзенні ў г. Березіно новай праваслаўнай
царквы. Новы храм планавалася ўзвесці ў 2001 годзе - да 500-годдзя Беразіно.
13 чэрвеня - На сходзе моладзі ў г. Березіно створана раённая прганізацыя Беларускага патрыятычнага саюза моладзі (БПСМ).
Першым яе сакратаром быў выбраны Віталь Адамовіч.
15 чэрвеня - Упершыню праедзена раённае свята "Сёмуха" (Троіца, Пяцідзесятніца).
9 ліпеня - Газета "Сцяг Леніна" паведаміла, што пры Брадзецкай участковай бальніцы адкрываюцца палаты на 15 месцаў, куды
млгуць быць уладкаваны на пастаяннае або часовае пражванне нямоглыя адзінокія пенсіянеры раёна.
9 ліпеня - Па запрашэнню райвыканкама Бярэзіншчыну наведаў Мітрапаліт Мінскі і Слуцкі, Патрыяршы Экзарх усяе
Беларусі Філарэт.
12 ліпеня - Газета "Сцяг Леніна" паведаміла, што райвыканком прыняў рашэнне аб рэарганізацыі вочна-завочнай фізіка-
матэматычнай і інфарматычнай школы ў раёны Центр развіція інтэлектуальных і творчых здольнасцей дзяцей, падлеткаў і
юнацтва. Пры Цэнтры створана дашкольнае і школьнае аддзяленні.
16 ліпеня - Памёр ветэран Вялткай Айчыннай ваны, былы сакратар падпольнага камсамола Міхаіл Фёдаравіч Пыж. Нарадзіўся
25 кастрычніка 1916 г. у в. Мацевічы.
Жнівень - Цэнтрам эталонаў стандартызацыі і метрологіі г. Мінска быў акрэдытаваны пост радыяцыйнага кантролю Бярэзінскага
лясгаса.
20 верасня - Газета "Сцяг Леніна" паведаміла, што на базе Беларускай ваеннай акадэміі ў СШ №3 г.Березіно адкрыты ваенна-
патрыятычны клас.
28-30 лістапада - У г. Березіно адбыўся абласны фестываль аматарскіх тэатраў "Бярэзінская рампа". У ім прынялі ўдзел
калектывы з Беразіно, Барысава, Мар'іна Горкі, Нясвіжа і Слуцка.
1998 год
1 студзеня - Упраўленне па справах моладзі, культуры і спорту пераўтворана ў адзел культуры райвыканкома.
8 студзеня - Роўна 10 гадзін раніцы на спіртзаводзе адбылася трагедыя: выбухнула ёмістасць для захоўвання мазуту. Два
чалавека загінулі.
8 лютага - У глядзельнай зале РДК праводзіліся здымкі тэлеперадачы "Землякі" (дэманстравалася 22 лютага).
28 сакавіка - Газета "Сцяг Леніна" паведаміла аб адрыцці ў памяшканні гасцініцы "Бярэзіна" аптэкі.
1 красавіка - Газета "Сцяг Леніна" надрукавала пра тое, што наш раён па персанальным запрашэньні В.С. Вішнеўскай,
наведала прадстаўнічая дэлегацыя ў складзе першага сакратара Пасольства Рэспублікі Польшча ў Беларусі пана
Вальдэмара Мендзялеўскага і супрацоўнікаў консульскага аддзела гэтага пасольства.
9 мая - У актавай зале СШ№2 г. Беразіно адбыўся першы фестываль бардаўскай песні.
21 мая - Адбылася другая раённая канференцыя Беларускага патрыятычнага Саюза молодзі. У раёне налічвалася 230 членаў і
16 пярвічных організацый БПСМ.
Май - Створана творчае аб'яднанне маладых педагогаў Бярэзіншчыны, якое ўзначаліў сацыяльны педагог СШ №2 М.В. Кудзейка.
26 чэрвеня - Пакладзены пачатак новай традыцыі: развітальны школьны баль стаў святам усяго г. Беразіно.
2 ліпеня - У гарадскім скверы каля кінатэатра "Юбілейны" прайшла цырымоні адкрыцця мемарыяльнага знака, прысвечанага
памяці патрыётаў-падпольшчыкаў, павешаных 24 красавіка 1942 года.
1 верасня - На гэту дату ў раёне было зарэгістравана 19 прадпрыемстваў недзяржаўнай формы ўлоснасці і 250
прадпрымальнікаў, якія ажыцяўлялі сваю дзейнасць без утварэння юрыдычнай асобы.
14 кастрычніка - У раёне налічвалася 218 населеных пунктаў. На 4 верасня 1985 год іх было 229.
18 кастрычніка - У кінатэатры "Юбілейны" адбылася сустрэча з Вольгай Марчанкавай - рэжысёрам-дэбютантам кінастудыі
"Беларусьфільм".
1999 год
10 студзеня - Ксёндз Сяргей Бараўнёў афіцыйна прызначыны пробашчам каталіцкай парафіі Маці Божай Міласэрнай г.
Беразіно, Багушэвічы і Раванічы каталіцкіх (прыходаў).
13 студзеня - На Беларускім тэлебачанні пачалася 33-серыйная прэм'ера першага беларускага тэлесерыяла "Пракляты ўютный
дом" (аб паўстанні 1863 года). У галоўнай ролі - наша зямлячка Алена Мазгова.
Канец студзеня - Афіцыйнае адкрыццё новага корпуса будынка Дулебскага дзяцячага дома-школы-садка.
16-23 лютага - Праводзіўся чарговы перапіс насельніцтва. На тэрыторыі раёна пражывала 33,3 тысячы чалавек, у тым ліку 13,3
тысячы - гарадскога насельніцтва.
Красавік - У РДК адбылася сустрэча з сучасным беларускім паэтам Аляксеем Пісьмянковым.
29 мая - У кінатэатры "Юбілейны" адбыўся маладзёжны фестываль песні.
30 мая - У Беразіно адбыўся абласны фестываль "Троецкі фэст".
Чэрвень - Аддзел унутраных спраў райвыканкама адзначыў сваё 60-годдзе. У яго штаце налічвалася 128 чалавек.
17 ліпеня - Наш раён адзначыў сваё 75-годдзе.
18 жніўня - Бярэзіншчыну з рабочым візітам наведалі прэм'ер-міністр краіны С.С. Лінг і старшыня Мінскага аблвыканкама М.Ф.
Дамашкевіч.
27 жніўня - У Беразіно спыняліся удзельнікі крыжовага ходу па водах вялікіх рэк - Волгі, Дняпра і Заходняй Дзвіны, -
прысвечаннага 2000-годдзю хрысціянства. Тут яны сустрэліся з Мітрапалітам Мінскім і Слуцкім, Патрыяршым Экзархам усяе
Беларусі Філарэтам.
1 верасня - У Беразіно адкрыты Цэнтр карэкцыйна-развіваючага навучання дзяцей-інвалідаў (а іх у раёне - 80. Акрамя таго на
Бярэзіншчыне і ў горадзе пражывала 490 дзяцей з асаблівасцямі псіхічнага развіцця). Дырэктар Цэнтра - Людміла Лашук.
17 верасня - Прэзідэнт Рэспублікі Беларусь разгледзіў кадравыя пытанні. Яго Указам старшэнёй Бярэзінскага райвыканкома
прызначаны Уладзімір Іванавіч Карпейчык.
Канец верасня - Створона раённая арганізацыя грамадскага аб'яднання "Беларускі саюз ветэранаў вайны ў Афганістане"
(БСВАА). Старшынёй выбраны Алег Купіч. У раёне пражывала звыш 70 афганцаў.
13 кастрычніка - Газета "Сцяг Леніна" паведаміла, што Дзьмітравіцкая бальніца перайменавана ў бальніцу сястрынскага
догляду і зараз там будуць пастаянна жыць састарэлыя людзі.
14 лістапада - Асвячэнне помніка святару Даніілу Конапасевічу, які быў павешаны ў 1863 г. у Багушэвічах.
Канец лістапада - У Беразіно другі раз праходзіла свята народных тэатраў - фестываль "Бярэзінская рампа".
1999 год - Па выніках фотаконкурсу "Рэспубліка-99", які быў аб'яўлены газетай "Рэспубліка", фотакарэспандэнту газеты "Сцяг
Леніна" Алене Громавай прысуджана першая прэмія.
1999 год - Мастакі з Беразіно, Уладзімір Мурог і Пётр Зіневіч намалявалі для Рымска-каталіцкага касьцёла ў Беразіно абразы з
выявой Маці Божай Вострабрамской.
