11 лютага - У эксплуатацыю ўведзены Бярэзінскі сыраробны завод (замест ранейшага маслазавода).
Верасень - У Беразіно адкрыты дзіцячы сад-яслі №5.
4 лістапада - "Сцяг Леніна" паведаміла, што на базе Бярэзінскага РДК праведзены абласны семінар харэаграфіі.
7 лістапада - Рабочыя ПМК-63 атрымалі добры падарунак - брыгадны клуб з глядзельнай залай на 200 месцаў і са спартыўным
залай.
27 снежня - У РДК адбыўся аўтарскі канцэрт кампазітара Ігара Міхайлавіча Лучанка.
1980 год - За год праведзены 454 масавыя мерапрыемствы, якія ахапілі больш за 50 тысяч чалавек.
1981 год
Студзень - Пры Дулебскім СДК створаны фальклерна-этнаграфічны харавы ансамбль.
19 лютага - У раёне дзейнічала 150 гурткоў мастацкай самадзейнасці, якія наведвалі звыш 2500 чалавек. Толькі ў РДК было 26
гурткоў, клубаў па інтарэсах і аматарскіх аб'яднанняў, у якіх займалася звыш 1000 чалавек.
14 красавіка - "Сцяг Леніна" паведаміла, што ў рамках Усесаюзнага тыдня музыкі для дзяцей і бнацтва Ў Бярэзінскай музычнай
школе ўпершыню быў праведдзены фестываль беларускай музыкі.
17 чэрвеня - Указам Прэзідышма Вярхоўнага Савета СССР за поспехі ў навучанні і выхаванні вучняў узнагароджаны ордэнам
"Знак Пашаны" Н.М. Тапырык (СШ №2) і медалём "За працоўную доблесць" Р.П. Сацункевіч (Дзітровіцкая СШ).
7 жніўня - Насельніцтва раёна мела ў асабістым карыстанні 6990 тэлевізароў, 5532 радыёпрыёмнікі, 13450 радыёкропак. На
кожную тысячу жыхароў выпісвалася ў срэднім 1200 газет і часопісаў.
14 верасня - Памёр Іван Мікалаевіч Маркевіч, паэт. Нарадзіўся 15 чэрвеня 1936 г. у в. Восава.
31 кастрычніка - У РДК адбыўся ўрачысты сход, прысвечаны 50-годю з дня выхаду першага нумара газеты "Сцяг Леніна" (2
лістапада 1931 г.). За гэты час выйшаў 5741 нумар раёнак. Тыраж - 7224 экземпляры. Пошта газеты штогод перавышала 3000
пісьмаў.
28 снежня - Выбранне акадэміка і прэзідэнта АН БССР М.А. Барысевіча акадэмікам АН СССР.
1982 год
1 студзеня - ДЭУ-718 перайменавана ў ДРБУ-42.
10 лютага - У кінатэатры "Юбілейны" адбылася сустрэча гледачоў са стваральнікамі фільма "Людзі на балоце".
23 лютага - У райкоме КПБ ветэранам партыі К.А. Баранову, І.А. Лескаўцу, С.К. Мазурыну і А.В. Машкову ўручаны знакі ЦК КПСС
"50 гадоў знаходжане ў КПСС".
10 красавіка - "Сцяг Леніна" паведаміла, што ў РДК адбылася сустрэча з пісьменнікам В. Адамчыкам, В. Іпатавай, А.
Ставерам і У. Скрынкіным.
28 красавіка - У РДК г. Бераўіно праводзіліся здымкі мастацкага фільма "Іван" кінастудыі "Беларусьфільм".
6 чэрвеня - У Беразіно праведзена свята харэаграфічнага мастацтва.
18 чэрвіня - Памёр Іосіф Пятровіч Сакалоўскі, у ліпені 1942 г. - красавіку 1944 г. сакратар Бярэзінскага падпольнаг РК КП(б)Б.
Нарадзіўся ў в. Баравіно 18 красавіка 1912 г.
3 ліпеня - Спажыўкааперацыя раёна аб'ядноўвала 179 арганізацый і прадпрыемстваў, дзе працавалі 927 чалавек.
1 кастрычніка - Пры Бярэзінскім райпо адкрыта школа-магазін.
Снежань - Амаль цэлы тыдзень на Бярэзіншчын знаходзіліся вядомыя беларускія пісьменнікі І.Сінякоўскі і М. Чарняўскі.
1982 год - У раёне пачаты пераход на навучанне дзяцей з 6-гадовага ўзросту.
1983 год
2 лютага - Памёр Мікола (Міколай Івановіч) Прашковіч, літаратуразнавец, крытык, перакладчык. Нарадзіўся 4 мая 1932 года ў
в. Гарадзішча.
12 сакавіка - У Беразіно ў строй дзеючых уступіла новая гарадская лазня.
1 красавіка - У раёне дзейнічалі адна цэнтральная і 3 ашчадныя касы 2-га разраду ў г. Беразіно, 12 ашчадных кас 2-га разраду і
12 кас агенцкага тыпу ў сельскай мясцовасці. Усяго яны абслугоўвалі больш за 26 тысяч укладчыкаў.
16 красавіка - "Сцяг Леніна" паведаміла, што ў г. Беразіно адкрыты новы, чацвёрты маршрут "Дзетсад №5 - ільнозавод".
Лета - У раёне дзейнічалі 14 вучнёйскіх вытворчых брыгад, 12 лагераў працы і адпачынку, 11 школьных лясніцтваў, 31 брыгада
па рамонту і добраўпарадкаванню школ, 4 працоўныя атрады старшакласнікаў. Усімі гэтымі фарміраваннямі было выканана
работ на суму больш як 25 тысяч рублей.
14 кастрычніка - У Афганістане загінуў Сяргей Іванавіч Карканіца. Нарадзіўся 6 ліпеня 1963 г. у в. Асмолаўка.
15 лістапада - Праз Беразіно праходзіла больш за 75 міжгародніх рэйсаў.
1983 год - На бярэзіншчыне нарадзілася 633 дзіцяці.
1983 год - У эксплуатацыю ўведзена новая ытворчая база ДЭУ-192.
1984 год
1 студзеня - "Сцяг Леніна" паведаміла, што выканком гарсавета прыняў пастанову аб перайменаванні вуліцы Лясной у вуліцу імя
Іосіфа Пятровіча Сакалоўскага - сакратара Бярэзінскага падпольнага райкома партыі з 20 ліпеня 1942 па красавік 1944 года.
15 студзеня - У Багушэвічах адбылося ўрачыстае адкрыцё сельскага клуба на 110 месц.
Студзень - Побач з торфабрыкетным заводам імя ХХІІІ з'езда КПСС рабочыя Мінскага аўтазавода пачалі ўзводзіць цяплічны
комплекс па вырошчванню агароднінных культур.
24 сакавіка - "Сцяг Леніна" паведаміла, што ДРБУ-42 першым у рэспубліцы наладзіла выпуск тэрмапласту, які выкарыстоўваўся
для разметкі праезджай часткі дарог. Калектыў прыступіў таксама да выпуску цэментагрунту для пакрыця міжгаспадарчых дарог.
7 мая - Да Дня радыё населеныя пункты раёна былі поўнасцю радыёфікаваны: працавала каля 15 тысяч радыёкропак.
5 чэрвеня - У Беразіно працягласць каналізацыйных сістэм дасягнула 8, а водапровада - 18 кіламетраў.
14 ліпеня - Плошча меліяраваных зямель склала больш 19000 гектараў, гэта звыш 25 працэнтаў сельскагаспадарчых зямель
або звыш 10 працэнтаў тэрыторыі раёна.
17 ліпеня - 60-годдзе з дня ўтварэння раёна.
30 жніўня - Бярэзінская аўтабаза №22 мела 43 пасажырскія аўтобусы, якія абслугоўвалі 27 маршрутаў (4 гарадскія, 18
прыгарадных і 5 міжгародніх). Штодзённа перавозілася больш за 8 тысяч пасажыраў.
1 кастрычніка - У Беразіно адкрыты восьмы дзіцячы сад-яслі на 160 месц. А ўсяго дашкольныя ўстановы наведвалі 1310 юных
бярэзінцаў.
1984 год - Ураджайнасць па раёне: збожжавых - 26,5; бульбы - 215; агародніны - 196; ільновалакна - 4,3 цэнтнера з гектара.
1984 год - Майстар спорту па класічнай барацьбе Георгій Саскавец (выпуснік Бярэзінскай ДЮСШ) стаў пераможцам
Усесаюзнай спартакіяды школьнікаў.
1984 год - Усе калгасы і саўгасы раёна сталі рэнтабільнымі. Атрыманы прыбытак у суме 8,6 мільёна рублёў.
1985 год.
24 сакавіка - У Афганістане загінуў воін-інтэрнацыяналіст Уладзімір Мікалаевіч Шумскі. Нарадзіўся 9 красавіка 1966 г. у в.
Калюжыца.
29 сакавіка - У РДК адбыўся творчы вечар вядомага беларускага паэта Ніла Гілевіча.
9 мая - Члены раённага клуба аматараў бегу "БРИЗ" прынялі ўдзел у прабегу Чэрвень-Беразіно на 40 кіламетраў. Удзельнікі
марафону фінашавалі на гарадскім стадыёне Беразіно, дзе правадзілася свята, прысвечанае 40-годзю Перамогі.
22 ліпеня - Рашэннем выканаўчага камітэта Мінскага абласнога Савета народных дэпутатаў в. Баравы Мост, Пагосцкага
сельсавета, выключана з уліковых данных. Жыхары вёскі перасяліліся ў іншыя населенныя пункты.
1 верасня - У Беразіно адкрыта трэцяя срэдняя школа на 1176 вучняў.
4 верасня - У раёне налічвалася 229 населеных пунктаў. На 14 кастрычніка 1998 г. іх стало 217.
19 верасня - "Сцяг Леніна" паведаміла аб зацвярджэнні арганізацыйнага камітэта па стварэнню раённай і пярвічных
арганізацый таварыства барацьбы за цвярозасцьцю.
1986 год
1 студзеня - Бярэзінскій райпрамкамбінат атрымаў назву - швейная фабрыка.
Красавік - У дзіцячай бібліятэцы г. Беразіно пачаў працаваць тэатр лялек "Пятрушка".
Чэрвень - Адкрыццё гісторыка-краязнаўчага музея ў Багушэвіцкай сярэдняй школе.
10 ліпеня - Раённая арганізацыя Чырвонага Крыжа налічвала 20816 членаў, аб'яднаных у 112 пярвічных арганізацыях. Донароў
было 1700 чалавек.
1 верасня - У раёне на ўліку было 6 удзельнікаў грамадзянскай вайны, 433 інваліды Вялікай Айчыннай вайны, 642 сям'і
загінуўшых воінаў і партызан, 242 адзінокія старыя і непрацаздольныя грамадзяне.
1986 год - За год у раёне праведзена 2738 вечароў адпачынку і дыскатэк, 1043 тэматычныя вечары і вусныя часопісы, выступілі
37 прафесійных калектываў.
1987 год
Студзень - Бярэзінская санітарна-эпідэміялагічная станцыя пераехала ў новы двухпавярховы будынак.
24 лютага - Утвораны раённы савет ветэранаў вайны і працы. Яго старшыняя - Дзітрый Барысавіч Шрэйн.
7 сакавіка - "Сцяг Леніна" паведаміла аб адрыцці ноага аўтавакзала.
10 сакавіка - Аўтабаза №22 перайшла на бескандуктарную сістэму работы гарадскога пасажырскага аўтатранспарту.
18 красавіка - Памёр Якуб (Якаў Сідаравіч) Ермаловіч, беларускі пісьменік. Нарадзіўся 7 жніўня 1910 г. у в. Вяшэўка.
Май - У РДК створаны клуб "Што? Дзе? Калі?".
23-28 жніўня - У раёне праходзіў тыдзень прапаганды беларускай літаратуры. У ім прынялі ўдзел пісьменнікі і паэты У.
Федасеенка, М. Чарняўскі і Г. Тумаш.
4 лістапада - На цэнтральнай плошчы г. Беразіно перад Домам Саветаў адкрыты помнік У.І. Леніну.
31 снежня - У Беразіно ўведзена ў лік дзеючых станцыя тэхнічнага абслугоўвання легкавых аўтамабіляў (СТАА).
1988 год
1 студзеня - Усе прадпрыемствы перайшлі на самафінансаваньне.
8 студзеня - Спынена дзейнасць Бярэзінскага райпо, якое было падзелена на тры спажывецкія таварыствы: Бярэзінскае гарпо,
Пагосцкае і Паложынскае (з цэнтрам у Беразіно) сельпо.
22 студзеня - Райвыканкам сумесна з райкомам прафсаюза работнікаў АПК прынялі рашэнне аб будаўніцтве раённага
піянерскага лагера на 320 месц кала в. Косаўка.
Сакавік - У кінатэатры "Юбілейны" адкрыта відэакабіна на 20 месцаў.
26 мая - Вучань СШ №3 Ігар Князь выратаваў дзвух дзяўчынак, якія танулі ў р.Бярэзіне, за што атрымаў медаль "За выратаванне
топельніка" і імянны гадзіннік.
6 ліпеня - У Беразіно было адноўлена свята "Купалле".
1988 год - На могілках у в. Міхеевічы Мікалай Сямёнавіч Крыварот пабудаваў драўляную капліцу.
1989 год
5 студзеня - "Сцяг Леніна" пісала. Што прынята пастанова аб стварэнні камісіі бюро райкома КПБ па дадатковаму вывучэнню
матэрыялаў, звязаных з рэпрэсіямі, якія мелі месца ў перыяд 30-40 - х і пачатку 50-х гадоў.
3 сакавіка - На торфабрыкетным заводе пачаў працаваць швейны цэх.
10-11 сакавіка - Традыцыйны турнір па класічнай барацьбе на прыз памяці Мікалая Рыбачонка. Прынялі ўдзел юные барцы з
Барысава, Беразіно, Жодзіна, Мінска, Свіслачы.
22 сакавіка - Бюро РК КПБ прыняла пастанову аб стварэнні раёнай кнігі "Памяць".
15 красавіка - "Сцяг леніна" паведаміла, што абласны камітэт народнага кантролю абмеркаваў пытанне "Аб недахопах у
арганізацыі гандлёваага абслугоўвання ў Бярэзінскім раёне".
Красавік - Цагельны завод "Чырвоны Бераг" перададзены ў арэнду Мінскаму гасразліковаму камсамольска-маладёжнаму
аб'яднанню "Сістэма".
Канец мая - На льнозаводзе з адходаў вытворчасці - кастры - пачалі рабіць уцяпляльнікі для памяшканняў.
2 ліпеня - На месцы былой вёскі Уцешына Брадзецкага сельсавета, якую 14 і 15 верасня 1942 г. гітлераўцы знішчылі разам з
жыхарамі, адбылося адкрыццё помніка ахвярам фашызму.
Ліпень - У Беразіно на сыраробным заводзе пачала працаваць пральня самаабслугоўвання.
1 верасня - На гэту дату ў раёне зарэгістравана 18 кааператываў, і 23 чалавекі былі заняты індывідуальнай працоўнай
дзейнасцю.
Кастрычнік - Адкрыта Паплаўская музычная школа, якую наведвала 70 дзяцей з Багушэвіч, Ляжынскага і Паплаўскага
сельсаветаў.
1989 год - У сельскагаспадарчай вытворчасці раёна пачалі пряўляцца крызісныя з'явы.
